RIHA - Çalakîya nobeta ke sînorê Pirsûs-Kobanê ser o hemverê hêrişê dewleta tirkan ê Vakur û Rojhelatê Sûrîye ser o dewam kena, roja 8ine de ya. 

 

Çalakîya nobete ya qezaya Pirsûsî ya Rihayî ke sînorê Kobanê ser o, hemverê hêrişên verba Vakur û Rojhelatê Sûriye de ame destpêkerdiş, 8 rojî yo dewam kena.

 

Çalakîya nobete ke bi serkêşîya Têgêrayîşê Cinîyanê Azadan (TJA), Partîya Herêmanê Demokratîke (DBP), Partîya Têduştî û Demokrasî (DEM Partî), Parlamenterê Rihayî yê DEM Partî Ferît Şenyaşar, hemşaredarê DEM Partî, temsîlkarê DEM Partî û DBPyî yê bajaran dest pêkerd. Temsîlkarê sazgehê sivîlî, Endamê Meclîsê Dayîkê Aştîye ya Rihayî û xeylêk kesî beşdarê nobeta ewro bîyî. 

 

Girseyî serê sibayî derbazê meydanê nobete nî û bi tilîlî û sloganan “Biciwîyo xoverdayîşî Rojawanî” dest bi nobete kerd. Pêwa hewayayê serdî û varanî zî girseyê şarî dorûdorê adiro ke tavist de nobeta xo dewam kenê.

 

Girse, do saetê bêro de hemverê hêrişê Vakur û Rojhelatê Sûriye ser o eşkerayîyêke çapemenîye bido.