RIHA - Hemverê hêrişê Vakur û Rojhelatê Sûriye yê Tirkîya, sînorê Kobanê ser o nobete ameye destpêkerdiş. Nobeta ke 11 rojî yo dewam kena de ewro endamê Meclîsê Dayîkê Aştîye yê Riha û Amedî beşdar bîyî.

 

Çalakîya nobete ya qezaya Pirsûsî ya Rihayî ya sînorê Kobanê ser o, hemverê hêrişê Vakur û Rojhelatê Sûrîye ame destpêkerdiş, roja 11ine de dewam kena. Çalakîya ke bi serkêşîya Partîya Herêmanê Demokratîke (DBP), Partîya Têduştîye ya Şaran û Demokrasî (DEM), Têgêrayîşê Cinîyanê Azadan (TJA) amebî destpêkerdiş, ewro bi tewrbîyayîşê endamê Meclîsû Dayîkê Aştîye yê Riha û Amedî dewam kena. Dayîkê Aştîye bi tilîlî û sloganê "Jin jiyan azadî" ameyî pêşwazîkerdiş.

 

Nobete de pankartê "Rojawan rûmetê ma yo" û "Nazim û Cîhane rûmetê ma yê" ame akerdiş. Sewbîna Dayîkê Aştîye do eşkerayîye bidê çapemenîye.