STENBOL - Dewaya rojnameyê Ozgur Gundemî ke îdarekar û nuştoxê ey bi îdiayê “propagandaya rêxistine” yenê muhakemekerdiş, 11 serrî û 7 aşmî cezaya zîndanî ameye dayîş. 

 

Rojnameyê Ozgur Gundemî bi KHK amebî padayîş û derheqê îdarekar û nuştoxê ey Huseyîn Aykol, Ayşe Batumlu Kaya, Eren Keskîn û Reyhan Çapan de bi îdiayê “Xeberê ke çalakîyê şîdetî rewşa nîşan danê weşan kerdê”, “Propagandaya rêxistine” û “Semedo ke sûc bêro kerdiş yewser tehrîk kerdê” dewa amebî akerdiş. Roniştişê qerarî yê newe ra muhakemekerdişî yê 14ine Dadgeha Cezaya Giran ya Edlîyeyê Stenbolî yê Çaglayanî de ame kerdiş. Avûkat Ozcan Kiliç û Sercan Korkmaz roniştiş de hadre bîyî. 

 

Dozgerî, mutalaayê xo yê ke ceza waştêne reyna kerd. 

 

Dadgehe zî qerarê xo eşkera kerd. Qerarê xo de dadgehe vat ke semedê dosyayêke cîya yê derheqê Ozgur Gundemî de bi îdiayê “Endamîya rêxistine” 6 serrî û 3 aşmî cezaya zîndanî Eren Keskîne rê ameya birnayîş û tu qerar nêda. 

 

Dadgehe, bi îdiayê “Propagandaya rêxistine” û “Semedê sûc bêro kerdiş tehrîk kerdê”, 4 serrî û 4 aşmî û 15 rojî cezaya zîndanî da Midûra Karê Nuşteyî ya Berpirsyarî ya verê Reyhan Çapan û Mudirê Pêroyî yê Weşanî Huseyîn Aykol û serrêke û 21 aşmî û 2 rojî zî cezaya zîndanî da nuştoxa rojnameyî Ayşe Batumlu.