AMED- Cinîyê ke vernîya 2yîn roniştişê Narîn Guran de qisey kerdî û vatî: "Ma venga her kesî kenê ke paştdayîşê ma pîl bikerê, vengê ma berz bikerê û paştdayîş bidê têkoşînê edaletî." 

 

Narîn Gurana 8 serrî Taxa Çûlî ya qezaya Rezanê Amedî amebî qetilkerdiş. 2yîn roniştişê dewaya Narîn Gurana ke versûcî ci ra yenê muhakemekerdiş, 8ine Dadgeha Cezaya Giran ya Amedî dest pêkerd. Baroyê Amedî, xeylêk serekê baroyan, avûkat, Komîsyonê Cigêrayîşê Heqê Merdiman ê TBMMyî, temsîlkarê sazgehê tut û cinîyan, sazgehê komelê sîvîl û xeylêk temsîlkarê partîyê sîyasî û xeylê parlamenterî tewrê roniştişî bîyî. 

 

Destpêk de eşkerayîye îdarekara Komeleya Cinîyan a Rosaye Berfîn Polat neql kerd û vat, ê semedê waştişê edaletî berz bikerê, tîya yê.

 

Merve Karadaş ke metnê çapemenîye wend û vat, ê do taqîbkerdoxê dewaya Rojîne û Narîne bibê. Sewbîna Merve Karadaş da zanayîş ke no cînayet şexsî nê, sîstematîk o.

 

Merve Karadaş dîyar kerd ke ê encax bi paştdayîş û têkoşîn eşkenê vurnayîşêk bikerê û vat: "Ma venga her kesî kenê ke paştdayîşê ma pîl bikerê, vengê ma berz bikerê û paştdayîş bidê têkoşînê edaletî." 

 

Badê cû girse semedê roniştişî derbazê eywana roniştişî bî.