MERKEZÊ XEBERAN - Balîsan de vizêrî şan de cinîyêk berzî ra kewte û dinyaya xo bedelnaye. Derheqê merdişê bigumanî de cipersayîş dest pêkerd.

 

Goreyê ajansê Rojnewsî temsîlkarê îdarekarê nêweşxaneyê Balîsanî Ferhad Ezîz neql kerd ke vizêrî şan de cinîyêka ciwane bi nameyê Xelat Rehman (24) ya şarê dewa Şîreyî ya Balîsanî ser o, koyî ra kewta war. Ferhad Ezîz dîyar kerd ke Xelat Rehman semedê giranîyê birînanê xo hema cayê hedîseyî de dinyaya xo bedelnaya.

 

Ferhad Ezîz va ke goreyê vatişanê kesûkarê qurbanîye psîkîlojîya Xelat Rehman xerab bî û şewa vîyarteyî saete 10.00ine de vînî bîya û dima ra netîceya cigêrayîşî de saete 02.00ine de cenazeya aye ameya vînayîş.

 

Derheqê hedîseyî de cipersayîş dest pêkerd.

 

Erjê vatişî yo ke zaf dewa û hedîseyê merdişanê bigumananê cinîyan dadgehan de bê çareyî manenê. Hîn înan bênetîce yenê nimitîş, hîn zî bi sebebanê cîya yenê girewtiş.