ANQARA - Konfederasyonê Sendîkaya Kedkarê Pêroyî (KESK), çalakîya nobete ya semedê endamanê xo yê ke bi KHKyan xebate ra ameyî dûrvistiş agêrê xebate, vernîya merkezê xo yê Anqarayî de domnenê. Endamî û temsîlkarê partîyê sîyasî, sazîyanê komelî û zafê kesan piştîdayîşê nobete kerdî. Girseyî bi berzkerdişê sloganê “Ma do agêrê xebata xo”, “Kedkarî do hesabê AKPyî bipersê”, “Jin jiyan azadî” û “Bijî berxwedana kedkaran” çalakîya xo domnaynî.

 

Hemserekaya Pêroyî ya KESKyî Ayfer Koçak derheqê nobete de eşkerayî da û dîyar kerd ke ê heta saet 15.30ine nobeta xo bidomnê û nobeta înan vurîyaya xoverdayîşî.

 

Hemsereka DEM Partîyî ya Rêxistina Anqarayî Gulbahar Gunduz zî ard ziwan ke têkoşînê azadîye yê şarê kurdî û têkoşînê demokrasî yê şarê Tirkîya yewbînan ra dûrî nîyê û ê her wext bi kedkaran dir mîyanê piştîdayîşî de bibê.

 

Dimayê qiseykerdişan nobete bi çalakîya ronîştişî dewam kerd.