MERKEZÊ XEBERAN – Keyeyê çalakîkera heqê karkeran Şerîfe Mihemedî bin şert û mercanê giran de yo û dayîka ci nêweşxane de ya; pêwa nê, dimayê peynîbîyayîşê betlaneyê ci, ancî neqlê Zindanê Reşt Lakanî ameya kerdene.

 

Kampanyaya Pawitişê Şerîfe Mihemedî da zanayene ke betlaneyê çalakîkera karkeran nêameyo dergkerdene û dimayê nêzdîyê hîrê aşmanê betlaneyî, ewro semedê Zindanê Reşt Lakanî ameya neqlkerdiş.

 

Goreyê raporî, agêrayîşê Şerîfe Mihemedî yê zindanî demêko de pê ame ke dayîka ci hewteyê vîyartê semedê stresêko giran û problemê qelbî nêweşxane de bîye. Kampanya vana ke nê çîyî endîşeyê serê şert û mercanê ke keyeyê ci tîya de ciwîyeno, hîna zêde kerdo.

 

No betlane semedê Şerîfe Mihemedî fersendo yewine bi ke dimayê zêdeyêr di serran o zindan de mêrde û domanê xo dir bibo; labelê dimayê peynîbîyayîşê nê betlaneyî, a newe ra keyeyê xo ra ameya cîyakerdiş û agêraye zindan.

 

Kampanyaya Pawitişê Şerîfe Mihemedî waştişê veradayîşê ci yê bêşert û merc kerd. Kampanya ard ziwan ke ganî çalakîya sendîkayan û waştişê karkeran bi zextê mehkeme û tepiştişî nêrê cewabdayene.