ÎZMÎR - Nûdem Kurt a YJA Starî û Aydin Kurt o YPSyij bi merasîmêk hetê MEBYADER-EGEyî ra ame organîzekerdiş, ameyî yadkerdiş. Endamê keyeyî û îdarekarê komeleyî yê ke merasîmî de qisey kerdî, derheqê prosesê aştîye û azadîya fîzîkî ya Rayberê Şarê Kurdî Abdullah Ocalanî de mesajanê xo dayî.

 

MEBYADER-EGEyî merkezê xo de semedê endama YJA STARî Nudem Kurt (Newal Mêrdîn) û endamê YPSyî Aydin Kurt merasîmêk yadkerdişî organîze kerd. Merasîm bi wendişê Melîd û deqêkê rêzgirewtişî semedê kesanê ke têkoşînê azadîye de dinyaya xo bedelnayî dest pêkerd, dima sloganê “Şehîd Namirin” û “Bijî Serok Apo” ameyî vatiş. Hemserekanê MEBYADER-EGEyî Mikail Atan û Bediha Guzelyuz, pêwa Peyruze Kurt, dayîka Nudem Kurt û Aydin Kurt, qisey kerdî.

 

Hemserekê MEBYADER-EGEyî Mikail Atan va ke ê do dewaya cangorîyan bidominê.

 

Hemsereka MEBYADER-EGEyî Bedîha Guzelyuz wina va: “Ma heme şehîdanê xo, bi taybetî zî Heval Nûdem û Heval Aydin, bi rêzdarî anê vîr û sozê xo yê zerrîwazîya înan rê ancî kenê. Ma bi xêrê înan nê prosesî ciwîyenê. Prosesê aştîye zî netîceya qehremanî û fedakarîya şehîdanê ma yo.”

 

‘Wa berê Îmraliyî bêrê akerdiş’

 

Peyruze Kurt, qiseykerdişê xo bi yadkerdişê heme kesanê ke cuya xo bedelnayî, pêwa Şêx Said, Zîlan û Sema Yuce, dest pêkerd û va: “Şehîd qet nimirenê. Şarê kurdî ewro amade yê û aştî wazenê. Ma vanê, wa zordarî peynî bibo. Wa ê bibê vengê şarê kurdî. Wa berê Îmraliy bêrê akerdiş.”