STENBOL - Dayîkê Aştîye dîyar kerdî ke ê do mîtîngan de semedê azadîya fîzîkî ya Rayberê Şarê Kurdî Abdullah Ocalanî meydanan de bê û veng dayî heme kesî ke tewrê mîtîngî bibê.

 

Înîsiyatîfê Dayîkê Aştîye yê Stenbolî awanîya komeleya xo ya qezaya Fatîhî ya Stenbolî de kombîyayîşêk çapemenîye organîze kerd û venga tewrbîyayîşê “Mîtînganê Azadîye” yê ke 27-28ê hezîrane de semedê azadîya fîzîkî ya Rayberê Şarê Kurdî Abdullah Ocalan yenê organîzekerdiş, kerd.

 

Metnê kurmancî yê eşkerayîye hetê Sabîha Bozane ra û yê tirkî zî hetê Zeynep Calîhanî ra ame wendiş.

 

Sabîha Bozan va: “Vengdayîşê semedê Mîtîngê Azadîye zaf reyan yeno dayîş. No mîtîng mîtîngêk semedê bîyayîşê şarê kurdî yo. Ma do heme Meydanê Bagcilarî de semedê azadîya şarê kurdî û Rayberê Şarê Kurdî pê dir bê.”

 

Sabîha Bozan heme kesî dawetê Meydanê Bagcilarî kerd û va: “Ma do semedê azadîya Rayberê Şarê Kurdî Abdullah Ocalanî meydanan de bê.”