MERKEZÊ XEBERAN - Kurdî û dostanê înan ê ke Ewropayî de ciwîyenê, verê kombîyayîşê Komîteya Wezîranê Şûraya Ewropayî semedê “Heqê Hêvîye” do ver bi Strasbourgî rayîr ra şêrê.

 

Verê kombîyayîşê Komîteya Wezîranê Şûraya Ewropayî ya ke do mîyanê 9-11ê hezîrane de bêro organîzekerdiş, Strasbourg de semedê “Heqê Hêvîye” di rojî çalakî yena organîzekerdiş. Venga beşdarîya çalakîyan ame kerdiş.

 

9ê hezîrane de, do vernîya Şûraya Ewropayî eşkerayîyêka çapemenîye bêro dayîş. Sazîyê sîyasîyê kurdî, partîyî, sîyasetmedaran ê surgunkerde û parlamenterî do eşkerayîyêka hembeş bidê.

 

10ê hezîrane de, do bi beşdarîya Elmanî, Fransî, Belçîkayî, Hollandayî û Swîsreyî mîtîngêk girseyî bêro organîzekerdiş. Mîtîngî de do waştişê azadîya fîzîkî ya Rayberê Şarê Kurdî Abdullah Ocalanî û caardişê qerarê DHMEyî bêro kerdiş.

 

Dosyayê derheqê tecrîdê 27 serrî ameyî amadekerdiş do endamê Komîteya Wezîran û parlamenteran rê bêrê pêşkêşkerdiş. Do zaf kombîyayîşî bêrê organîzekerdiş.

 

Sewbîna semedê serrgêra 15ine ya nobeta azadîye ya ke 25ê hezîrana 2012ine ra nata Strasbourgî de yena organîzekerdiş, çalakîyî do bêrê organîzekerdiş.