AGIRÎ - Gulden Komurcu ya ke qezaya Bazîdî de hetê mêrêko ey dir amebî zewicnayîş Mehmet Komurcu ra ameye kiştene, serê milanê cinîyan de ameye definkerdene.

 

Cenazeya Gulden Komurcu (40) ke vizêr qezaya Bazîdê ya Agirî de hetê mêrêko ke ey dir amebî zewicnayîş Mehmet Komurcu ra bi guleyêk ameye kiştene, dimayê otopsî morgê Nêweşxaneyê Dewlete yê Bazîdî ra teslîmê keyeyê ci ameye kerdene.

 

Cenazeya Gulden Komurcu seba definkerdişî ardî dewa Dizê ya Bazîdî. Dimayê ke wecîbeyê dînî ameyî kerdene, tabûtê Gulden Komurcu serê milanê cinîyan de ameye berzkerdiş. Gulden Komurcu ya ke serê milanê cinîyan de ameye girewtene, bi dua û lorîkan ver bi goristanê dewe ra ameye berdene û ameye definkerdiş.

 

Mîyanê nê prosesî de ame neqlkerdiş ke xebatê cigerayîşî seba tepiştişê sûcdar Mehmet Komurcu yo ke cîyê hedîse ra remayo, dewam kenê.