Şehrîban Aslan

 

AMED - Mîyanê cigêrayîşê Gulistan Doku de, avûkatê Zaînal Abakarovî dîyar kerd ke muwekîlê ey semedê zextê midûrê emnîyetî ra vecîyayo teberê welatî û o reyna ameyo agêrayîş û va ke na babete eşkena bi qeydanê telefonî zî bêra îspatkerdene.

 

Wandekara zanîngeha Munzurî Gulîstan Doku 6 serrî verê cû vîndî bîye. Mîyanê nê prosesî de cigêrayîş de tu averşîyayîş nêbi û tewr peyên menga nîsane de destbendkerdiş û tepiştiş ameyî ciwîyayîş. 17 merdimî ameyî tepiştiş û 12 ci ra ameyî tepiştiş. Dimayê nê îfadeyan de zî vecîya meydan ke delîlî senî ameyê sîyakerdiş. Îfadeyanê merdimanê ke ameyê destbendkerdiş de nakokî zî dîqet ancenê. Vecîya meydan ke Tuncay Sonel berpirsîyarê nimitişê delîlan bi.

 

Eşkerayîya ke Zaînal Abakarovî, yew gumanbaranê sereyîn yê cigêrayîşê Gulistan Doku, 6ê Sibata 2020an de dayo serekê dadgehe, ameyo bidestkerdiş. Venga ci de avûkatê Zaînal Abakarovî pawitişê xo de dîyar kerdo ke Zaînal Abakarov hetê polîs û dewlete ra şirawitê teberê welatî.

 

Avûkatê Zaînal Abakarovî pawitişê xo de va: "Muwekîlê mi, wexto ke Gulistane keye ra vecyaya ra heta nika tu agahîya ey derheqê hedîseyê ke qewimîyayê de çin a. Binê zextê midûrê emniyetî, pawitoxanê ey û camêrdêko bi nameyê Ertugrul de, pêşnîyaz kerdê ke Zainalî berê Rusya. Semedo ke muwekîlê mi nêwaşt ke lajê ey semedê nêbîyayîşê dosyaya sûcî welat ra biremo, ey selahîyetdaranê wezîfedaran yê ke nê waştişî kerdê eşkerayîyêke nuşteyî waşt. No yew do bi cigêrayîşê tomarê telefonî bêrê eşkerakerdiş. Dimayê girewtişê na eşkerayîye, muwekîlê mi û keyeyê ey verê cû ameyî bajarê Elezîzî ke lajê xo berê teberê welatî. Dima ra, 9ê çeleyê 2020ine de, ey welat terk kerd. Dimayê ke ey welat terk kerd, reyna hetê eynî polîsan ra zext Zainalî ser o ame kerdene ke agêro Tirkîya."

 

Eşkerayîyê ke vanê Zaînal Abakarov bi zext û waştişê polîsan ameyo şawitişê teberê welatî û dima ra zî bi waştişê Wezîrê Karê Zereyî yê verê Suleyman Soylu ê agêrnayê Tirkîya, mûnaqeşeyê prosesê cigêrayîşî ser o gur kerdê.

 

Heto bîn ra, eşkerakerdişê ke vano Zaînal Abakarov bi zextê midûrê emniyetî ameyo şawitiş, dîyar o ke heme gumanê mîyanê cigêrayîşê Gulistan Doku serê yew merdimî tenê de vinderê ke dewa bêra girewtiş.