MERKEZÊ XEBERAN - Pêwa ke destbendkerdişê Şilêr Mamqaderî 17 roj vîyart, aye hema beşê karantînî yê Zîndanê Merkezî yê Urmiye de yena tepiştiş û heqê xoresnayîşê xizmetê weşîye bêpar yena veradayîş.

 

Goreyê raporê ke hetê Tora Heqê Merdiman ê Kurdistanî ra ame weşanayîş, welatija kurd a Mahabadî Şilêr Mamqaderî 9ê Nîsane 2026ine de hetê hêzê asayîşî ra ameye destbendkerdiş û nika beşê karantîna yê Zîndanê Merkezî yê Urmiye de yena tepiştiş.

 

Goreyê raporê, pêwa ke 17 rojî vîyart, Şilêr Mamqaderî hema beşê karantînayê zîndanî de yena tepiştiş û heqê xoresnayîşê xizmetê weşîye bêpar yena verdayîş.

 

Goreyê raporî, pêvînayîşê peyênî yê telefonî de, aye dîyar kerd ke beşê karantîna yê zîndanî de yena tepiştiş.

 

Sewbîna ame dîyarkerdiş ke Şilêr Mamqaderî nêweşa kanserî ya û verê ameya destbendkerdiş tedawî vînaya. Şertê giran ê zîndanî de bêxoresnayîşê xizmetê tibî yena tepiştiş, endîşeyê derheqê rewşa weşîye aye zêde benê.

 

Goreyê raporî Şilêr Mamqaderî dayîka di tutan a, verê zî hetê hêzê asayîşî ra ameya destbendkerdiş.