MERKEZÊ XEBERAN - Cinîyêke kurde bajarê Bokanî de ameye destbendkerdiş.

 

Malpera Kolbernewsî derheqê tepiştişê cinîyêke kurde ya hetê rejîmê Îranî ra destbend bîya, agahî pare kerd.

 

Goreyê malperî cinîyêke kurde bi nameyê Meryem Dadiyan (58) yê şarê bajarê Bokanî ya Rojhelatê Kurdistanî, dimayê şîyayîşê aye ya semedê sazgehê cigêrayîşî yê Bokanî ra, ameye destbendkerdiş û semedê zîndanê Urmiye ameye neqlkerdiş.

 

Eynî çimeyê neql kerd ke semedê Meryeme qerarê 10 rojê destbendkerdişî ameyo vetiş. Sebebê destbendkerdişî nêame zanayîş.

 

Erjê vatişî yo ke vernîya nika hêzê Wezaretê Îtilaatî yê Îranî bêqerarê edlî eştê keyeyê Meryem Dadiyan ser o. Demê sereştişî de telefonê Meryeme amebi desteserkerdiş.