MERKEZÊ XEBERAN - Siba bi serkêşîya Platformê Sazgehê Demokratîkî do qezaya Pirsûsî de hêrişê Rojawanî ser o bêrê şermezarkerdiş.

 

Platformê Sazgehê Demokratîkî yê Rihayî do siba bi armancê piştdayîşê xoverdayîşê Vakur û Rojhelatê Sûrîye û şermezarkerdişê hêrişê çeteyanê HTŞ û SMOyî rayîrşîyayîş û eşkerayîye bêrê organîzekerdiş. Rayîrşîyayîş do bi beşdarîya Hemserekê Pêroyî yê Partîya Herêmanê Demokratîkan (DBP) Keskîn Bayindir, parlamenterê DEM Partîye yê bajarê herême û rêxistinê sivîlî Meydanê Komare ya Pirsûsî de dest pêbikero.

 

Platformî veng da temamê şarê Rihayî ke beşdarê çalakîya bi sloganê, “Rojawan hêvî yo, wijdan o: şarê Rojawanî tena nîyo” pê yeno, bibê.