AMED - Şaredarîya Rezanî “Pêvînayîşê Ver bi Bajarê Cinîyan” de dewam kena.

 

Şaredarîya Rezanî çarçeweya înîsîyatîfê “Kombîyayîşê Ver bi Bajarê Cinîyan” de karmendanê xo yê cinîyan dir kombîyayîşêk viraşt. Kombîyayîş, ke hetê Îdareyê Polîtîkayanê Cinîyan ra ame organîzekerdiş, awanîya sereke ya xizmetê şaredarîye de ca ame. Mîyanê tewrbîyayoxan de Hemşaredare Leyla Ayaz, endamê meclîsê cinîyan, serekê beşê cinîyan û karmendê cinîyan yê pêro beşan estbî. Kombîyayîş nê ser de bî ke Amed senîn beno bajarêk têduşt, azad û asayîş.

 

Leyla Ayaz sipasîya pêro tewrbîyayoxan kerde. Leyla Ayaz dîyar kerd ke şaredarîyê Partîya DEMî polîtîka û xebatanê xo bingehê paradîgmaya demokratîk, ekolojîk û azadîya cinîyan ser o domnenê û va: “Sîstemêko pederşahî yo ke newe ra vejîyayo est o. Ma mîyanê sîstemêko wina de têkoşîn kenê ke polîtîkayanê bêbêbextîye çar hetanê dinya cayê ciwîyayîşê cinîyan teng kenê û hema hema ci rê ca nêverdenê ke nefes bigîrê. Ma hem semedê nasnameyî hem zî semedê têduştîya cinsî têkoşîn kenê.”

 

Dimayê qiseyan, cinîyan heqê qiseykerdişî girewt û pêşnîyaz û fikranê xo semedê bajarêko dostê cinîyan ardî ziwan. Înan qetî kerd ke ganî perspektîfê cinîyan pêro waran de, kuçeyan û planê bajaran heta park û firsendanê kar, bêrê mojnayîş û ciwîyayîş. Pêşnîyazî derheqê weşîya cinîyan, perwerdeyî, xurtkerdişê piştîdayîşê cinîyan û viraştişê bajaranê asayîşan de ameyî kerdiş.

 

Pêro pêşnîyazî ameyî tomarkerdiş.