MERKEZÊ XEBERAN - Çalakîkera heqê cinîyan Şîrîn Ebadî, dîyar kerd ke demê Îsraîlî hêrîşî Zîndanê Evîne kerd, hêzê rejîmê Îranî eştê zîndan ser, îşkence û şîdet tepişteyan rê kerd û Zîndanê Pîlî yê Tehranî rê neql bîyê.

 

Çalakîkera heqê cinîyan û girewtoxa xelata nobele ya aştîye Şirîn Ebadî, derheqê rewşa tepişteyanê sîyasî yê zîndanê Evîne dimayê hêrişê Îsraîlî, serê hesabê xo yê Telegramî de agahî pare kerd.

 

Şîrîn Ebadî dîyar kerd ke dimayê Îsraîlî hêrişê zîndanê Evîne kerd û tepişteyî semedê zîndanê bînan ameyî neqlkerdiş, hêzê rejîmê Îranî dest bi îşkencekerdiş û heqaret tepişteyanê sîyasî kerdo.

 

Dewam de Şîrîn Ebadî vana: “Demê hêrişê Îsraîlî zîndanê Evîne ser o, bi seyan gardiyanî eştê koxuşanê tepişteyan ser o û tepişteyan rê şîdet kerdê. Dima ra zî teberê şert û mercê însanî de tepişteyan Zîndanê Pîlî yê Tehranî rê neql kerdê.”