AMED- Şaredarîya Amedî ya Şaristanê Girdî, serdemê hamnanî de seba gedeyanê 7-12 serran 8 beşan de atolyeyanê hamnanî yê bêpereyan dana organîzekerdene.

 

Serekîya Daîreya Karanê Sosyalan û Serekîya Daîreya Xizmetanê Sosyalan seba ke averşîyayîşê gedeyan zêde bikerê û gedeyan hunerî reyde bîyaro têhet, 8 beşan de bêpere atoleyayan organîze kena. Aşmanê temmuze û tebaxe de kursê ziwanî yê kurmancî û zazakî, kodkerdişo robotîk, resim, muzîk, kayê gedeyan ê tradîsyonî, rîtîm, kayê aqil û zekayî û drama do bêrê dayene.

 

Atoleyeyê ke do Parka Sunmerparkî de bêrê dayene, do tede mamosta û perwerdekarê Mudirîya Pawitiş û Averberdişê Ziwanan dersan bidê.

 

Kursê ke do mîyanê hewteyî de bêrê dayene, ameyo plankerdene ke do 8 hewteyî dewam bikê.

 

Gedeyê ke wazenê kursan ra feyde bigîrê, do mabêne 17-30ê Hezîranê de, bi rayîrê malpera dismek.org.tr, bi rayîrê dayîk û babîyê xo bieşkê qeydê xo viraznê.