MERKEZÊ XEBERAN - Zextê rejîmê Îranî yê keyeyê tepişteyan ser o dewam keno. Ame vatiş ke  wezaretê Îtlaetê Îranî tehdîd endamê keyeyê tepişteya sîyasî ya kurde Werîşe Muradî kerdê. Ame dîyarkerdiş ke mêrdeyê waya Werîşe Muradî zî ameyo destbendkerdiş.

 

Tora Heqê Merdiman ê Kurdistanî xeberêke xo de neql kerd ke roja 8ê hezîrane de çend rey endamê keyeyê tepişteya sîyasî ya kurde Werîşe Muradî, Sine û Tehranî de hetê berpirsîyarê Îtlaetî ra ameyê vengdayîş û tehdîdê tepiştişî înan rê ameyo kerdiş.

 

Xeberan de ame dîyarkerdiş ke mêrdeyê waya Werîşe Muradî, Kerîm Esxerî ke şarê bajarokê Şiwêş ê Sine ser o yo, hetê hêzê ser bi Îtlaetî ra ameyo destbendkerdiş û ver bi cayêk nêdîyar rê berdê.

 

Ame vatiş ke Kerîm Esxerî bê qerarê dadwerî, binê îşkenceyî de ameyo destbendkerdiş û tehdîd cinîya ey Mêhrane Muradî rê kerdê.