MERKEZÊ XEBERAN- Helebce de semedê wendekarê Dibistana Helebce yê Kênayan nawitgeh ame akerdiş. Berpirsîyara nawitgehî wina va: “Berardeyê wendekaranê ma sewîyeya tewr berzî de yê, ma waşt ke bi nê nawitgehê berardeyan aver berê.”

 

Ewro Îdareyê Roşnvîrî û Hunerî yê Helebceyî nawitgehêk resiman semedê 14 wendekaranê Dibistana Helebce ya Kênayan akerd.

 

Nawitgeho ke 14 wendekarî ci de beşdar bîy, 55 tabloyê xoza û serkêşê kurdan ser o amebî xêzkerdiş, ameyî mojnayîş.

 

Mamostaya Hunerî û Berpirsîyara Nawitgehî Ezher Rehman derheqê akerdişê nawitgehî de ajansê ROJNEWS'î rê qisey kerd û va: “Ma ewro nawitgehêk hunerî yê resimanê taybetî semedê wendekaranê xo akerd. Ma wazenê bi rayîrê nê nawitgehê berardeyan bimojnê. Heskerdişê nê wendekaran karê hunerî dir est o. Her wendekarêk tabloyêk bi şêwazek cîya xêz kerdo. Xeylê tabloyan de bal antî serê ciwaniya xozayî.”

 

Kalê Îbrahîm wina va: “Tabloyê ma yê mîyanê nawitgehê cîya yê. Zêdeyêrê qalê xoza, lawir û şexsan keno. Akerdişê nê nawitgehan semedê ma xeylêk muhîm o. Ma bi rayîrê nê nawitgehî eşkenê berardişê xo mojnenê.”