NAVENDA NÛÇEYAN - Nobedarên Bendava Tişrînê Konferansa Yekrêzî û Yekhelwesta Kurdî li Rojava silav kir.

 

Şêniyên kantona Firatê yên çalakiya nobetê ya Bendava Tişrînê dewr girtiye, Konferansa Yekrêzî û Yekhelwesta Kurdî li Rojava ku li Qamişloyê dewam dike, silav kir.

 

Nobedaran konferans li Rêberê Gelê Kurd Abdullah Ocalan pîroz kir û got konferans dê yekitiya Gelê Kurd pêk bîne.

 

Ji 8’ê Çileya îsal ve gelê Bakur û Rojhilatê Sûriyeyê ji bo parastina bendavê û şermezarkirina êrişên dewleta Tirk, çalakiya nobetê bi rêxistin kiriye. Çalakiya nobetê dewam dike.