NAVENDA NÛÇEYAN - Li Amedê bi hezaran delegeyên DEM Partiyê ji bo diyarkirina namzetên hevşaredariyê diçin ser sindoqan. 

 

Partiya Wekhevî û Demokrasiyê ya Gelan (DEM Partî) ji bo diyarkirina hevşaredar, endamên meclisa şaredariyê û yên meclisa giştî ya bajar li gelek bajaran pêşhilbijartinê li dar dixe. Yek ji navendên ku sindoq lê hatine danîn jî Amed e. Bernamzetên navçeyan beriya pêşhilbijartinê xwe dan naskirin û projeyên xwe vegotin. Piştre jî dengdayîn dest pê kir. 

 

Tê payîn ku heta êvarê derdora 20 hezar delegeyan dengên xwe bidin. Ji bo Hevşaredariya Bajarê Mezin a Amedê 4 jê jin bi giştî 15 bernamzet hene. 

 

Bajarê nû

 

Li navçeya Bajarê Nû yê Amedê sindoqên hilbijartinê li Eywana Dawetan a Kaplanê ya li Qada Stasyonê hate danîn. Ji serê sibehê ve bi hezaran delegeyan berê xwe dan eywanê. Eywan, bi alayên DEM Partiyê hate xemilandin. Ji bo hevşaredariya navçeyê 4 jê jin bi giştî 16 bernamzet hene. 

 

Peyas

 

Li navçeya Peyasê jî 5 jê jin bi giştî 16 bernamzet dê bikevin pêşpirkê. 24 sindoq, li Eywana Dawetan a Zîrveyê hatin danîn û dengdayîn dest pê kir. Tê payîn ku 4 hezar û 500 delege dengê xwe bidin. 

 

Rezan

 

Pêşhilbijartina li navçeya Rezanê jî li Eywana Dawetan a Geterlerê tê lidaxistin. 5 jê jin bi giştî 22 namzet hene. Li vir jî dê 3 hezar û 500 delege dengê xwe bidin. 

 

Navên ku deng lê tên dayîn ev in: 

 

* Peyas: Eywana Dawetan a Zîveyê 

 

* Bajarê Nû:  Eywana Dawetan a Kaplanê

 

* Rezan: Eywana Dawetan a Geterlerê

 

* Sûr: Eywana Dawetan a Nîlgunê

 

* Erxenî: Eywana Dawetan a Taş Kardeşlerê 

 

* Bismil: Avahiya DEM Partiyê ya navçeyê 

 

* Farqîn: Eywana Dawetan a Gold Parkê

 

* Şankuş: Avahiya DEM Partiyê ya navçeyê

 

* Çermûg: AVahiya DEM Partiyê ya navçeyê

 

* Gêl: Avahiya DEM Partiyê ya navçeyê 

 

* Karaz: Avahiya DEM Partiyê ya navçeyê

 

* Lice: Avahiya DEM Partiyê ya navçeyê 

 

* Pasûr: Avahiya DEM Partiyê ya navçeyê 

 

* Pîran: Avahiya DEM Partiyê ya navçeyê

 

* Hezro: Avahiya DEM Partiyê ya navçeyê 

 

* Xana Axpar: Avahiya DEM Partiyê ya navçeyê

 

Her wiha dê piştî nîvro li gelek bajaran ji bo tûra duyemîn deng bên dayîn.