AMED - Hevseroka Giştî ya HEDEP'ê Tûlay Hatîmogullari di konferansa ku ji aliyê DBP'ê ve hat lidarxistin de axivî û got, “Dema ku em mejiyê xwe bikin yek, xwe bi rêxistin bikin û bêjin aştî ye. Em ê tu carî dest ji gotina aştiyê bernedin. “Bijî têkoşîna hevpar a aştî, edalet û azadiyê.

 

Partiya Herêmên Demokratîk (DBP) beriya 6’emîn Kongreya xwe ya Awarte bi dirûşma “Em ê bi civakeke rêxistinkirî siberoja azad ava bikin” li salona dawetê ya Amedê konferansek li dar xist. Hevserokên DBP'ê Salîha Aydenîz û Keskîn Bayindir, Hevserokê Kongreya Civaka Demokratîk (DTK) Berdan Ozturk, Hevserokên Partiya Wekheviya Gelan û Demokrasiyê (HEDEP), parlamenterên HEDEP, Tevgera Jinên Azad (TJA), Meclîsa Dayikên Aştiyê, ne. Saziyên hikûmî beşdarî konferansê bûn, ji bajarên Kurdistanê rêxistinên HEDEP û DBP’ê yên bajar û navçeyan û bi hezaran kes beşdar bûn. Li salonê pankartên "Jin jiyan azadî", "Em ê bi civaka rêxistinbûyî jiyana azad ava bikin" û "Jin jiyana rêxistin dike" û alên DBP'ê yên zer, kesk û sor hatin daliqandin. Dema ku beşdarên konferansê bi cil û bergên xwe yên neteweyî cihê xwe di salonê de girtin, jinan bi coşeke mezin bi tilîlî û govendê dest bi konferansê kirin.

 

'Dema rêxistinbûn û gotina aştiyê ye'

 

Di konferansa ku axaftin berdewam kirin de Hevseroka HEDEP'ê Tûlay Hatîmogullari mafê axaftinê girt. Tûlayê, anî ziman ku DBP'ê heta niha kedeke mezin a îdeolojîk daye û got, "Dema ku ev konferans pêk tê, karker û kedkar xizan dibin û bombe li Rojava û Gazzeyê tên barandin. Li Rojhilata Navîn du pirsgirêk hene. Heta ku ev her du pirsgirêk neyên çareserkirin Rojhilata Navîn aştiyê nabîne. Gelên herêmê ku di dîrokê de tu carî ronahiya rojê nedîtine, ji niha ve aştiya bi rûmet heq kirine. Dem dema wê yekê ye ku em mejiyê xwe bikin yek, xwe birêxistin bikin û bibêjin aştî. Em ê tu carî dev ji gotina aştiyê bernedin."

 

'Çareserî jiyana demokratîk e'

 

Piştre Hevserokê HEDEP'ê Tuncer Bakirhan axivî û got, "DBP koka berxwedana me ye. Di avakirina vê partiyê de kedeke mezin hebû, ev ked keda bi hezaran şehîdan e. Em vê hewldanê deyndarê şehîdên azadiyê ne. Heta ku siyaseta me ya Kurdistanî mezin nebe em nikarin mezin bibin. DBP di pêşeroja gelan de xwedî mîsyoneke mezin e. Werin em hemû bibin armanca mezinkirina DBP'ê. Li Rojhilata Navîn şerekî mezin didome. Gelê Kurd 100 sal in li dijî polîtîkayên asîmîlasyonê têdikoşe. Netew dewlet nikarin bibin çareserî. Çareserî jiyana demokratîk e. Bêyî çareserkirina pirsgirêka gelê Kurd li Rojhilata Navîn ti pirsgirêk çareser nabe. Çareseriya vê birêz Öcalan e. “Heta ku tecrîda li ser Birêz Ocalan ranebe, tarîtiya li ser civakê nayê rakirin.

 

Piştî axaftinan belgeya helwesta DBP'ê hat xwendin. Piştî xwendina belgenameyê konferans bi tilîlî û dirûşmeyan bi dawî bû.