AMED - Li Amedê avahiyên ku ji ber erdhejê zirareke mezin dîtine tên hilweşandin, lê ji ber ku tedbîr nehatine girtin jiyana welatiyan di bin xeteriyê de ye.

 

Şopên erdheja ku di 6'ê Sibatê ya li navenda Mereşê pêk hatin û zêdeyî 50 hezar kesî jiyana xwe ji dest dabûn, hê li ber çavan e. Dema ku piştî erdhejê li Kurdistan, Tirkiye û cîhanê seferberiya hevgirtinê hat destpêkirin, dewlet û îktîdarê nekarî pêdiviyên gel bi cih bîne. Berovajî wê, piştî çend rojan hikûmet gihîş cihê erdhejê, piştî rojan xebatên lêgerîn û rizgarkirinê bi amûrên kêm hatin destpêkirin, bi rojan hewcedariya gel a stargeh, xurek û germkirinê nehat peydakirin.

 

Tevî ku meh derbas bûn jî avahiyên ku di erdhejê de zirareke mezin dîtine nehatine hilweşandin. Li Amedê jî ku yek ji bajarên ku hê jî avahiyên zerardîtî li benda hilweşandinê ne, hinek ji van avahiyan tên valakirin, li hinekan jî welatî ji ber bêwariyê neçar dimînin bijîn. Tedbîrên ku li derdora avahiyên hatine valakirin nayên girtin metirsiyek mezin e.

 

Ewlehiya gel û karkeran tê piştguhkirin

 

Li Amedê di xebatên tesbîtkirina xisarê de ku di erdhejê de 7 avahî hilweşiyan û 414 kesan di bin xirbeyan de jiyana xwe ji dest dan, 3 hezar û 252 avahî xesareke giran, 2 hezar û 828 avahî bi xisareke nerm, 32 hezar û 652 avahî xera bûne. avahiyên bi zirarên biçûk. Li Rezanê (Bağlar) ku li navçeya ku xerakirina nêzî 80 avahiyan temam bû û di erdhejê da zirara herî mezin çêbû, xebatên hilweşandinê hê jî dewam dikin. Demildest hilweşandina avahiyên ku divê bên hilweşandin dest pê kir, lê hat dîtin ku dema xebat didomin rayedaran tedbîr negirtin û guh nedan ewlehiya gel û karkeran.

 

Zarok di bin avahiyên xerabûyî de dilîzin

 

Ji ber tedbîrên ku di avahiyên hê jî tên hilweşandin de nayê girtin metirsiyeke mezin heye. Li derdora avahiyên hatine valakirin tedbîrên bi bandor nehatin girtin, di dema hilweşînê de ji bo welatiyên derbas dibin, zarokên li binê wan avahiyan dilîstin û ji b karkeran jî hawîrdoreke ewle tune ye. Dîmenên rûxandinê yên bêyî ti tedbîran ketin ber kamerayên me.