AMED - Berdevka berê ya TJA'yê Ayşe Gokkan di rûniştina yekem a ji nû ve darizandina xwe de parastina xwe kir û diyar kir ku ew piştgiriyê dide banga Rêberê Gelê Kurd Abdullah Ocalan û bi şertê ku azadiya wî ya fizîkî were misogerkirin, pêvajo dê bigihêje encamê.

 

Daîreya Cezayê ya 3'yemîn a Dadgeha Bilind cezayê girtîgehê yê Berdevka berê ya Tevgera Jinên Azad (TJA) Ayşe Gokkan ku ji ber du tohmetên "endamtiya rêxistinê" (salek 12 sal û ya din 7 sal û 6 meh) hatibû birîn, betal kir. Cezayê 30 sal ê girtîgehê yê ku ji hêla Dadgeha Cezayê Giran a 9'emîn a Amedê ve hatibû birîn, qismî betal kir: 19 sal ji bo "endamtiya rêxistinê", 7 sal û 6 meh ji bo "bi zanebûn û bi dilxwazî ??alîkarî û hewîkirina rêxistinê" û 3 sal ji bo "propagandaya rêxistinê" hatibû birîn. Rûniştina yekem a doza ku Ayşe Gokkan jê dihat darizandin, li Dadgeha Cezayê Giran a 9'emîn a Amedê hate lidarxistin. Ayşe Gokkan bi rêya Sîstema Agahiyên Deng û Dîtbarî (SEGBÎS) ji Girtîgeha Jinan a Sîncanê, ku lê tê girtin, beşdarî rûniştinê bû, di heman demê de parêzerên wê Berfin Lutfiye Gokkan û Muharrem Şahin li salona dadgehê amade bûn. Malbata Ayşe Gokkan û gelek endamên TJA jî danişînê temaşe kirin.

 

Berdevka berê ya TJA'yê Ayşe Gokkan di rûniştina yekem a ji nû ve darizandina xwe de parastina xwe kir û diyar kir ku ew piştgiriyê dide banga Rêberê Gelê Kurd Abdullah Ocalan û bi şertê ku azadiya wî ya fizîkî were misogerkirin, pêvajo dê bigihêje encamê.

 

Rûniştin hat paşxistin

 

Piştî navberê, heyeta dadgehê biryar da ku di dosyayê de xalên kêm hene û divê girtina Ayşe Göokkan berdewam bike û rûniştin heta 11'ê Îlonê paş xist.