NAVENDA NÛÇEYAN - Însiyatîfa Parêzeran a Parastina Azadiya Rêber Abdullah Ocalan a Sûriyeyê li Qamişloyê têkildarî Komploya Navneteweyî semînerek da.

 

Însiyatîfa Parêzeran a Parastina Azadiya Rêber Abdullah Ocalan a Sûriyeyê li Qamişloyê têkildarî Komploya Navneteweyî ya li dijî Abdullah Ocalan sermînerek da.

 

Semîner li avahiya Encûmena Dadmendiya Civakî ya Qamişloyê hate lidarxistin.

 

Semîner ji hêla parêzer û endamê însiyatîfê Mihemed Emîn Nehîmî ve hate birêvebirin. Mihemed Emîn diyar kir ku Di 6'ê Gulana 1996'an de dema ku îstixbarata Tirk sînorên Sûriyeyê binpê kirin û bi awayekî neserkeftî êrişek bi wesayîteke bombebarkirî li dijî Abdulah Ocalan li Şamê pêk anî, planeke piralî ya hêzên navneteweyî dest pê kir.

 

Mihemed di dawiya axaftina xwe de got armanca dewleta Tirk û dewletên komploger, tesfiyekirina gelê Kurdistanê, zimanê kurdî û nasnameya kurdî ye.

 

Di dawiya semînerê de beşdaran jî destnîşan kir ku bi komployê xwestin Tevgera Azadiya Kurdistanê tune bikin, lê ev komplo bi ser neket û nekarî gel ji  Abdullah Ocalan dûr bixe û komplo negihaşt armanca xwe.

 

Di dawiyê de beşdaran soz da ku ew ê fikir û felsefeya Abdullah Ocalan biparêzin.