MÊRDÎN - Mêrdîn de tuta ke vernîya 4 rojan keyeyê xo de birîndar amebî vînayîş, dinyaya xo bedelnaye.

 

Dewa Darayî ya qezaya Artûklû ya Mêrdînî de tuta 15 serrî E.T vernîya 4 rojan keyeyê xo de bi hawayêk birîndar amebî dîyayîş û aye berdîyabî Nêweşxaneyê Cigêrayîş û Perwerdeyî yê Mêrdînî. Tuta ke bi guleyê çeke amebî birîndarkerdiş pêwa pêro mudaxaleyan ewro dinyaya xo bedelnaye.

 

Dozgerîya Mêrdînî pêameyîşê hedîse ser o cipersayîş da destpêkerdiş. Heta nika derheqê hedîse de dayîk û babî E.T ameyî destbendkerdiş.