MERKEZÊ XEBERAN - KJKyî semedê mergê dayîka têkoşeranê azadîye Selvî Tepe serweşîye waşte û vat: "Ma do xeyalanê to qetî bi azadî û têduştîye tacîdar bikerê."

 

Koordînasyonê KJKyî semedê mergê Selvî Tepe mesajêko serweşîye weşan kerd.

 

Mesajê KJKyî bi nê rengî yo:

 

"Ma bi xemgînî xebera mergê dayîka ma ya qedrberz e Selvî Tepe eşnawa. Dayîka şorişgêr û şehîdan bi şîyayîşê xo yê heqî ma xemgîn kerd. Şexsê dayîka ma ya qedrberze de ma keye rê, nêzdîyanê aye rê û bi taybetî zî hemraya ma Sakîne Karakoçan rê serweşîye wazenê.

 

Dayîka ma Selvî Tepe zî sey pêro dayîkanê canfîdayanê dewaya azadîye, qelenê qedrberzî dîyarîyê azadîya şarê Kurdistanî kerd. Aye damarê xoverdayox, pareker û adilane kultur û bawerîya elewitî ra ameyîne. Aye zî temsîlkarîya nê kultur û adetî kerdêne. Coka aye sey daranê mazîyan ê na herra kane, wayîrê kokanê xoverdayoxî yê bêhempayan bîye.

 

Rayîrê heqî de bîye û vera zilmî tu rey sereyê xo nêtewêna. Bi serberzî bîye taqîbkerdoxa rayîrê tutanê xo yê lehengan. Helwest, kultur û cesaretê dayîkanê ma her gamêka têkoşînê ma de hêz da ma. Ma keynekê nê dayîkanê bi rûmetan ê; pêro dayîkan rê, bi taybetî dayîkanê şehîdan rê deynê ma yê pêşkêşkerdişê ciwîyayîşêko azad, têduşt û adil est o. Ma do xeyalanê to qetî bi azadî û têduştîye tacîdar bikerê. Bi na wesîla ma reyna keyeyê qedrberz û şarê Kurdistanî rê serweşîye wazenê û vanê yadkerdişê dayîkanê ma do tim vîrê ma de bo.

 

Dayîka ma ya ke ver bi heqî şîye, wa mîyanê roşnayî de bibo.

 

Devrê xo Daîm vo!"