MERKEZÊ XEBERAN - Dewaya kiştişê Narîn Guran de Nevzat Bahtîyar newe ra ame muhakemekerdiş. Seba ke hetkarîya kiştişî bi qesdî kerda, 17 serrî cezaya hepsî girewt.

 

Dewaya Narîn Guran de Nevzat Bahtîyarî sucê “Vindîkerdişê delîlan” ra 4 serrî û 6 aşmî cezaya hepsî girewtbî. Dima ra mehkema nê qerarî betal kerd û dewa newe ra ame tenzimkerdene.

 

Roniştişê dewa Mehkemaya Cezayanê Giranan a Amedî ya 8. de ame tenzîmkerdene. Dewa de seba sucê “hetkarîya kiştişê bi qesdî” Nevzat Bahtîyarî 17 serrî cezaya hepsî girewt.