Neslîhan Kardaş

 

ŞIRNEX – Merkezê Piştîdayîşê Cinîyan ê Sitiya Zîn 10 serran verê bi destê qeyûm ame girewtiş. Hetê şaredariya Cizîrê ra vera aye nika Merkezê Piştîdayîşê Cinîyan ê Berîvan Kutlu yeno akerdiş.

 

Şaredariya Cizîrê xebatê cinîyan bêmabêne domnena û demêk nêzdî de Mexazeya Piştîdayîşê Cinîyan a Kezî akerd. Dimayê Keziyê zî nika Merkezê Piştîdayîşê Cinîyan ê Berîvan Kutlu yeno akerdiş. 10 serran verê tayînkirdişê qeyûman dir heme sazgehê cinîyan ameyî girewtiş. Yew nê zî Merkezê Piştîdayîşê Cinîyan ê Sitiya Zîn bî. Dimayê ke şaredarî kewtî binê îdarekarîya Partîya DEMî, xebatê semedê cinî û tutan newe ra ameyî destpêkerdiş. Şaredarî pêwa heme astengîyan merkezê ke 10 serran verê ameyê girewtiş, newe ra akena.

Komelnas Yasemîn Îneç Alkan ke Merkezê Piştîdayîşê Cinîyan ê Berîvan Kutlu de xebitena, xebatê ke binê merkezî de do bêrê domnayene qal kerd.

 

‘Ma akerdiş pawenê’

 

Yasemîn Îneç Alkan da zanayîş ke 10 serran verê binê banê şaredarîye de merkezê piştîdayîşê cinîyan bîyo û qeyûman dir no merkez ameyo girewtiş. Yasemîn Îneç Alkan wina va: “Dimayê weçînayîşê herêmî yê 2024ine ewilî Midûrîya Polîtîkaya Cinîyan ame akerdiş. Pêwa nê çend hevalê ma yê kar ra amebî eştiş ancî ameyî girewtiş. Newe ra ma dest bi xebatanê xo kerd. Amadekarîyê merkezê ma temam bîyê. Ma pabeyê akerdişî yê.”

 

‘Hîrê wareyan de xebatî yenê domnayene’

 

Yasemîn Îneç Alkan wina ard ziwan: “Yewîneyê perwerdeyî, yewîneyê ekonomî û yewîneyê têkoşînê hemverê şîdetî est ê. Ma wayîrê wareyêk xebate ya kolektîfî yê. Ez nika yewîneyê têkoşînî de aktîf xebitena. Merkezî; piştîdayîşê cimatî, psîkolojîk, edlî û piştîdayîşî yenê domnayene. Xoresnayîşê cinîyan a psîkologan hetê cimatî de ekonomî de zehmet o. Nê semedî ra nîno tercîhkerdiş. Nê hetî de merkez karê înan asan keno û xizmet dano. Pêwa baroyan zî protokolê ma est o. Piştîdayîşî semedê cinîyan yenê dayîş.”

 

‘Xeylêk taxan de semînerî ameyî dayîş’

 

Yasemîn Îneç Alkan bale ant ser yewîneyê perwerdeyî û va: “Heme babetê ke hewcedarî pê bibê de cinîyan rê perwerde yenê dayîş.

 

Heta nika babetê sey kanserê memikan, rehim, cinsîyetê cimatî, tiryakbîyayîş û desteştiş de xeylêk taxan de semîner ameyî dayîş.

 

Nêbîyayîşê merkezêk bajar de kêmî bî. Nê semedî ra ma hewcedarî bi nê merkezî dî. Demêk nêzdî de do merkezê ma bêro akerdiş. Ma do cayê ke cinî û tutî mexdur benê taqîbkerdoxê dewaya înan bê.”