MERKEZÊ XEBERAN - Endama Koordînasyonî ya PAJK’î Ayten Dersîme vera hêrişanê Rojava venga xoverdayîşî da û vat, “Ewro ganî dormeyê şervananê YPJ’yî ke şerê rûmetî danê, bêrê pêser.”

 

Endama Koordînasyonî ya PAJK’î Ayten Dersîme ke Medya Haber TV de Programê Taybetî de qisey kerd, dîyar kerd ke hêrişê DAIŞ û HTŞ’yî parçeyê planêk ê ke hetê hêzanê mîyanneteweyîyan ra ameyê amadekerdene û vat ke ê wazenê Rojhelatê Mîyanênî reyna dizayn bikerê.

 

Dersîme bale ante ke têkoşîno ke bi taybetî cinîyî û şervanê YPJ’yî Rojavanî de kenê, seba heme şaran giran o û vat: “Ewro ganî dormeyê şervanê YPJ’yî ke têkoşînê ma yê rûmetî danê û dormeyê xoverdayîşê şarê Rojavanî de ma bêrê têhet.” Dersîme ke îfade kerd ke wehşetê vera cinîyan polîtîkayêka biqestî ya, dîyar kerd ke vera nê hêrişan xopawitişê rêxistinbîyayeyî mecburî yo.

 

Dersîme îfade kerd ke HTŞ, DAÎŞ o namevurîyaye yo û vat ke seba koletî û sereronayîşê şaran şer kenê. Dersîme bale ante ke ganî raya pêroyî ya dinya vernîya qirkerdişanê Rojavanî de bêveng nêmano û dîyar kerd ke felsefaya Jin Jiyan Azadî îfadeyê cuya rûmetine û azadî ya.

 

Dersîme bale ante ke têkoşînê cinîyan bîyo global û vat: “Ma estbîyayîşê xo kesêk rê teslîm nêkenê. Ma rûmet û azadîya xo pawenê.” Dersîme îfade kerd ke qerarê xoverdayîşî yê şarê Rojavanî qerarêko tarîxî yo û venga heme şar û cinîyan da ke nê xoverdayîşî girs bikerê.