ANQARA - Komîsyonê Piştîdayîşî Neteweyî, Wayê-Biratî û Demokrasî yê Meclîsî, bi rojeva serdayîşê Îmraliyî kom bî.

 

Komîsyonê Piştîdayîşî Neteweyî, Wayê-Biratî û Demokrasî ya ke çarçewaya çareserîya meseleya kurdî de ame awankerdiş, dest bi roniştişê xo yê 18ine kerd. Roniştiş ke bi serekîya Serekê Meclîsî Nûman Kurtulmuşî de ame viraştiş de do xebatê komîsyonî û serdayîşê Îmraliyî bêrê qiseykerdiş. Dimayê qiseykerdişî do serdayîşê Îmraliyî bi raydayîşî bêro kerdiş.

 

Sewbîna komîsyon dimayê goşdarîkerdişî do roniştişê xo yê yewine virazo.

 

CHP do nêşêro Îmrali

 

CHP ke beşdarê roniştişê Komîsyonê Piştîdayîşî Neteweyî, Wayê-Biratî û Demokrasî yê Meclîsî bi, qerar da ke serdayîşê Îmrali de ca nêgîro.

 

MHP’yî ra Fetî Yildiz şino

 

Nameyê MHP’yî ser do Temsîlkarê Serekê Pêroyî yê MHP’îyî Fetî Yildiz şêro Îmrali.

 

AKP ke rojeva serdayîşê Îmraliyê ser o vizêrî kom bî, eşkera kerd ke do Tifaqê Cumhurî rayanê pozîtîf bido.