MERKEZÊ XEBERAN - Çalakîkera heqê merdiman ê Îranî Minoo Rouzeddar Tahran de ameye destbendkerdiş. Yeno vatiş ke hêzê Îranî eştî keyeyê Minoo ser û demê destbendkerdişî de aye îşkence kerdê.

 

Goreyê çimeyê herêmî, çalakîkera komela sivîlî ya Tehranî Minoo Rouzeddar sereştişê keyeyî yê hêzê asayîşî yê Îranî de ameye destbendkerdiş. Yeno vatiş ke Minoo Rouzeddar wextê destbendkerdişî de rastê şîdetê fîzîkî ameya.

 

Minoo Rouzeddar verê zî 1ê sibata 2025ine de Tehran de amebî tepiştiş. O wext, aye berdî Beşê 1-A yê Ajansê Îstîxbaratî yê Pasdarê Şorişî û dima ra zî berdî baskê cinîyan ê Zîndanê Evîne. 5ê adara 2025ine de bi kefalet serbest ameye veradayîş.

 

Dadgeha Şorişê nîsana 2025ine de cezaya 14 aşmî zîndan û 30 milyon tumenî da Minoo Rouzeddar. Ceza semedê hîrê serran ameye taloqkerdiş.