MERKEZÊ XEBERAN - Ayda Neceflu ke dînê xo açarnaya Xiristiyanî, dimayê şikinayîşê milê ci yê Zîndanê Evîne de, problemê weşîyê cidîyan dir rî bi rî mende. Semedê nêbîyayîşê pawitişê tibbî yê munasib, endîşeyê rewşa aye ser o zêde benê.

 

Ayda Neceflu ke beşê cinîyanê Zîndanê Evînî de tepişte ya, 3ê teşrîna peyêne nîvînêk diqatî ra kewte war û milê T12 de şiknayîşêk virazîya. Aye destpêk de berdî Nêweşxaneyê Taleganî û rontgenê aye ame antiş. La pêwa teşhîsê şikinayîşî zî, vera ke dermankerdişê lazimî bigîro, aye berdî zîndan. Na rewşe ra tepişteyê sîyasî û yê dînî reaksîyonêk pîl mojnayî.

 

Dimayê nêrazîbîyayîîê tepişteyê sîyasî, selahîyetdaranê zîndanî Ayda Neceflu neql kerd Nêweşxaneyê Şehiday-ı Taceriş (Şehîdê Tacrişî). Netîceyê rontgenî de şikitişê milê aye T12 piştrast kerd û doktoran emelîyato lezgîn û terapîya fîzîkî ya derg pêşnîyaz kerd.

 

Ayda Najaflu 12ê Nîsana 2024ine de ameya tepiştiş. A hema zî binê çimdarîyê demkî de ya û rewşêk nêzanayene de ya semedo ke keyeyê aye nêeşkeno kefaletê 11 mîlyar tûmenî bido. Verê zî çend rey semedê romatîzmaya ci ke est a waştibî ke qatê cêrî yê nêweşxaneyî rê bêro neqlkerdiş, la îdareyê zîndanî nê waştişan peygoş kerd.

 

Dewaya Ayda Najaflu nika hetê Dadgeha Şorişî ya Tehranî ra yena ercnayîş û a paweyê qerarê dadgehî ya.