MERKEZÊ XEBERAN - Silêmanî de cinîyêke awanîyêka 25 qatine ra kewt war û bişik dinyaya xo bedelnaye.

 

Goreyê agahîyan, no serê sibayî Silêmanî de bi hewayêko guman cinîyêka ke emrê aye 55 serra, awanîyêka 25 qatine ra kewt war û dinyaya xo bedelnaye. Heta nika derheqê hedîse de eşkerayîyêk nêameye dayene.

 

Goreyê daneyanê Rojnewsî mîyanê 10 aşmanê vîyarteyan de Başûrê Kurdîstanî de 27 cinî ameyê qetilkerdene û 19 cinî bi hewayêko biguman dinyaya xo bedelnayî.

 

Serra 2024î de zî Başûrê Kurdîstanî de 39 cinî ameyê qetilkerdene yan zî bêçare mendê ke xo bikişê. Nê cinîyan ra 7 hebî bi hewayêko biguman dinyaya xo bedelnayî.