ŞIRNEX – Goreyê fermanê Walîtiya Şirnexî, serdayîşê keyeyê şînî yê endama YJA-Starî Berîvan Katar ame astengkerdiş û polîsan va ke walî nêwazeno û destûr nêdano ke bi girseyî serdayîşê keyeyê şînî bêro kerdiş.

 

Taxa Yeniyî ya Şirnexî de semedê endama YJA-Starî Berîvan Katar (Rêvan Aslan) ke 25ê Adara 2025ine de Zap de dinyaya xo bedelnaye, Keyeyê Şînî yê Mehmet Emîn Acarî de serdayîşê sersaxîye semedê keyeyî yeno kerdiş. Parlamentera DEM Partîye ya Şirnexî Newroz Ûysal Aslan, endam û îdarekarê partîyê sîyasî û sazgehê komelê sivîlî waştî şêrê serdayîşê keyeyê şînî. Girse astengîyê polîsan dir rî bi rî mend. Serê astengkerdişê polîsan dir girse reaksîyon mojna û sloganê “Şehîd namirin” û “Ey şehîd xwîna te li erdê namîne” berz kerdî.

 

Mabêne polîs û girseyî de gengeşî û munaqaşe vejîya, polîsan hewl da bi şîdet hêrişê girseyî bikero. Gengeşîyê ke vejîya de welatijo bi nameyê Sedîk Kulter ame destbendkerdiş.

 

Astengîyê polîsan ser, Parlamentere Newroz Ûysal Aslan pêvînayîşêk Waliyê Şirnexî Bîrol Ekîncî dir kerd. Walî pêvînayîşê Newroz Ûysale dir dîyar kerd ke ê destûr nêdanê ke bi girseyî serdayîşê keyeyê şînî bêro kerdiş.

 

Girsîyo ke nêzdîyê keyeyê şînî ame astengkerdiş reaksîyon vera Waliyê Şirnexî mojna û va, no hewldayîşê provakasyonî yo.

 

Girsîyo ke waşt şêro keyeyê şînî mîyanê ablûqa de sekinî ya.