MERKEZÊ XEBERAN - Goreyê raporê Sendîkaya Rojnamegerê Filistînî, hêrişî Îsraîlî ke 7ê teşrîna verêne 2023ine heta nika dewam kenê de 31 rojnamegerê cinî ameyê qetilkerdiş.

 

Goreyê raporêk Komîteyê Azadiyan ê Sendîkaya Rojnamegeranê Filistînî, hêzê Îsraîlî hîrê serrî yo bi hawayêk sîstematîk rojnamegeranê cinîyan ê Filistînî hedef gênê. Nê binpaykerdişî tesadufî nîyê, la siyasetêk bi zanebîyayîş o.

 

31 rojnamegerê cinî ameyî qetilkerdiş

 

Goreyê raporî, mabêne 7ê teşrîna verêne 2023ine û 9ê êlule 2025ine de Gazze de 31 rojnamegerê cinî ameyî kiştiş. Xeylêk çalakîkerê medyaya yê cinî yê  medyaya dîjîtale ser o zî rastê hêrişî ameyê. Xeylêk rojnamegerî ameyî qetilkerdiş, pêwa keyeyanê xo demo ke keyeyê înan ameyê hedefgirewtiş, dinyaya xo bedelnayî. Nê hêrişî sûcê şer û sûcê hemverê merdimayî yo.

 

Rojnamegerê ke ameyê qetilkerdiş, se ra 85ê înan verê mêrde, tut û dayîk û babîyê xo de dinyaya xo bedelnayî. Rapor de no sey, "armanckerdişê keyeyê direy" ameyo binamekerdiş û ame dîyarkerdiş ke no sey qirkerdişêk komî yo.

 

Xeylê rojnamegerê ke ameyê qetilkerdiş cinîyê ciwanî yê

 

Hêriş tena bi dezgehê medyaye yê herêmî sînordar nêbî; rojnamegerê ke semedê dezgehê medyaye yê mîyanneteweyî û herêmî xebityenê zî bî hedef. Na polîtîkaya sîyakerdişî yê dewam ê Îsraîlî hemverê medyaya herêmî û mîyanneteweyî nîşan dano.

 

Xeylê rojnamegerî ameyî qetilkerdiş cinîyê ciwanî bî, emrê înan mabêne 20 û 35 serrî de bî. No çî mojneno ke Îsraîl ameyoxê medyaya Filistînî hedef gêna.