MERKEZÊ XEBERAN - Rêxistina Weşîye ya Dinya (WHO) neql kerd ke vêşanverdayîşê welatijê Gazzeyî  sûcê şerî yo û va: “Ganî Îsraîl trajedîya Gazzeyî ke heta nika zêdeyêrî 370 kesî merdê, vindarno.”

 

Dîrektorê Pêroyî yê Rêxistina Weşîye ya Dinya (World Health Organization) Tedros Adhanom Ghebreyesus derheqê sîyasetê Îsraîlî yê vêşanverdayîşê welatijanê Gazzeyî, eşkerayîya çapemenî da.

 

Eşkerayîye de wina va: "Vêşanverdayîşê welatijanê Gazzeyî sûcê şerî yo. Ma venga Îsraîlî kenê ke ganî trajedîya Gazzeyî ke heta nika zêdeyêr 370 kesî vêşanî ra dinyaya xo bedelnayê, vindarno. Na trajedîya ke Îsraîl Gazze de awan kerdo, demêk nêzdî de bêro vindarnayîş. Destpêkê şerî ra heta nika Gazze de nêzdîyê 370 kesî vêşanî ra merdî. Nînan ra zêdeyê 300 kesî nê di aşmê peyîn de merdî û no zî mojneno her ke şino polîtîkaya vêşanî xidarêr bena.”