ANQARA - Komîsyonê Piştîdayîşê Neteweyî, Wayê-Biratî û Demokrasî do no hewte bi serekê baroyan û serekê meclisî yê verê goşdarî bikero. 

 

Bernameyê Komîsyonê Piştîdayîşê Neteweyî, Wayê-Biratî û Demokrasî kombîyayîşê ke do 27 û 28ê tebaxe de bêrê kerdiş, dîyar bî. Komîsyon, do 27ê tebaxe de saete 14.00ine de kombîyayîşê xo 6ine organîze bikero. Kombîyayîş de do komîsyon Serekê Yewîya Baroyê Tirkîya (TBB) Erînç Sagkan û serekê Baroyê Hûmara 2 yê Anqara, Baroyê Çewligî, Baroyê Amedî, Baroyê Hatayî, Baroyê Hûmara 2yê Stenbolî û serekê baroyê Meletî, Mêrdîn, Mêrsîn, Wan û Sêwasî goşdarî bikerê. 

 

Kombîyayîşê 7ine do 28ê Tebaxe saete 11.00ê do bêro organîzekerdiş. Roniştişê ewil ê kombîyayîş de do serekê Meclisî yê verê Hîkmet Çetîn, Omer Îzgî, Bulent Arinç, Koksal Toptan, Mehmet Alî Şahîn; roniştişê diyîn de zî Cemîl Çîçek, Îsmet Yilmaz, Îsmaîl Kahraman, Bînalî Yildirim û Mûstafa Şentop goşdarî bikerê. 

 

Do Serekê Meclisî Nûman Kurtulmuş kombîyayîş îdare bikero.