MERKEZÊ XEBERAN - Torê Heqê Merdiman ê Kurdistanî neql kerd ke di cinîyê kurdî yê çalakîlerî bi sebebê ke tewrê pîrozbayîya 8û Adarê bîyî, hetê hêzê Îranî ra ameyî destbendkerdiş.

 

Tora Heqê Merdiman ê Kurdistanî neql kerd ke di cinîyê kurdî yê çalakîkerî bi nameyê Leyla Paşayî, Seqiz de û Suheyla Metaî, Dêwlan de bi sebebo ke tewrê pîrozbayîya 8ê Adare Roja Cinîyan ê Dinya bîyî, hetê hêzê îstixbaratê Îranî ra ameyî destbendkerdiş.

 

Ame vatiş ke her di çalakîlerî bê fermanê dadwerî ameyê destbendkerdiş û berdê cayêk nêdîyar.

 

Heto bîn ra roja 10ê adare zî bajarê Sine de di cinîyê çalakîkerî yê bi nameyê Soma Mihemed Rezayî û Baran Saedî bi sebebê tewrê pîrozbayîya 8ê Adare bîyî, hetê hêzê îstixbaratê Îranî ra amebî destbendkerdiş.