BEDLÎS - Tetwan ke startê 8ê Adare ame dayîş, wina ame vatiş, "Ma têkoşîno ke hetê Leyla Qasim, Zarîfe, Sara, Sêvê, Arîn û bi hezaran cinîyanê kurdan ra ameyo destpêkerdiş xelekêke bîn zêde kerd."  

 

Qezaya Tetwanî ya Bêdlîsî qerax de bi eşkerayîyêke startê 8ê Adare ame dayîş û çalakî ameyî destpêkerdiş. Rêxistinê bajarî û qezayanê bajarî yê Partîya Têduştî û Demokrasî (DEM Partî), Hemşaredara Tetwanî, Meclîsê Cinîyan ê Sendîkaya Kedkarê Weşîye (SES), Platformê Ma do Kiştişê Cinîyan Vindarnê û Dayîkê Aştîye beşdarê bernameyî bîyî. Eşkerayîye de pankartê bi nuşteyê "Ma hemverê qirkerdişê cinîyan sere wedarnenê, ma ver bi azadîye rayîr ra şinê" ame akerdiş.

 

'Ma xelekêke têkoşînê cinîyanû kurdan zêde bîyî yê'

 

Metnê ke ame wendiş de wina ame vatiş, "Xoverdayîşo ke cinîyê kedkarî yê tekstîlî hemverê îstîsmarê kede dayî destpêkerdiş, semedê keda têduştî, waştişê meaşê eynî kerdî, ewro sebebê serewedaritişê pêro cinîyanê dinya yo. No adetê xoverdayîşî ke bi keda bi hezaran cinîyan Clara heta Rosaye ameyo awankerdiş, rayîrê cinîyanê kurdan zî roşn keno. Ma nê adetê xoverdayîşû ke kulturê bi hezaran serran o şarê Kurdistanî û Rojhelatê Mîyanên ameyo parzûnkerdiş û kokê ci heta neolîtîkî yo, kerdo yew."

 

Eşkerayîye bi sloganê "Jin jiyan azadî" peynî bî.