AMED - Demê sersaxîyê endama YJA STARî Yayla Kizilkaya de venga aştîye zêde bî, hemverê hêrişê Tirkîya yê serê Vakur û Rojhelatê Sûrîye reaksîyon ame mojnayîş. 

 

Semedê endama YJA Starî Yayla Kizilkaya ke teşrîna peyêne 2024ine de dinyaya xo bedelnaye, cayê sersaxî yê Pîran Yasevîye yê qezaya Rezan ya Amedî de şîn ame ronayîş. Şîno ke ame ronayîş bi girseyî ame zîyaretkerdiş. Têgêrayîşê Cinîyanê Azadan (TJA), Komeleya Hetkarî, Pêgirewtişî, Yewîye û Çandî yê bi Kesê ke Merdimê xo Dergûşê Şaristanan vînî kerdê (MEBYA-DER), Rêxistina Partîya Têduştî û Demokrasî (DEM Partî) yê Amedî, Partîya Herêmê Demokratîke (DBP) ya Amedî, Rêxistina Şaredarîya Rezan û Hemşara Bajarê Pîlî ya Amedî tewrê serdayîşê şînî bîyî.

 

Mesajê sersaxî 

 

Serdayîşê şînî semedê yadkerdişê kesê ke têkoşînê azadî û demokrasî de dinyaya xo bedelnaye bi 1 deqîqe rêzgirewtişî dest pêkerd. Badê Hemserekê MEBYA-DERî Semra Akkoç û Mehmet Emîn Kiliç keyeyê Yayla Kizilkaya rê sersaxî waşt.

 

Merasîmê sersaxî de timî sloganê "Şehîd Namirin" ameyî berzkerdiş. Beşdaran bale ant serê hêrişê Tirkîya yê Vakur û Rojhelatê Sûrîye ser û reaksîyon vera dewamkerdişê nê hêrişan mojnayî û demêk munaqeşeyê serê prosesê aştîye de dewam kerd.

 

Serdan bi dayîşê mesajê yewîye peynî bî.