AMED - Şînê endama YJA Starî Zehra Sebat ke 7ê teşrîna verêne de 2024ine de dinyaya xo bedelnaye, bi girseyî ame zîyaretkerdiş. 

 

Endama YJA Starî Zehra Sebat (Rojda Azad) 7ê teşrîna verêne 2024ine de wareyê Xakûrkî ya Herêma Federe ya Kurdistanî de dinyaya xo bedelnaye. Semedê Zehra Sebate Keyeyê Şînî yê Ben û Senî ya qezaya Bajarê Neweyî yê Amedî de şîn ame ronayîş. Şînê Zehra Sebate bi girseyî ame zîyaretkerdiş. Endam û îdarekarê rêxistinê bajar û qezayan ê Partîya Herêmanê Demokratîke (DBP), Partîya Têduştî û Demokrasî (DEM Partî), aktîvîstê Têgêrayîşê Cinîyanê Azadan û xeylêk welatî bi serkêşîya Komeleya Hetkarî Paştdayîşê Yewîye û Kulturî yê Keyeyê Merdimanê Xo Dergûşê Merdimayî Vînî kerdî (MEBYA-DER) bi girseyê şîyî serdayîşê şînê Zehra Sebate. Şîn de xeylêk rey sloganê “Şehîd namirin” ame berzkerdiş.

 

Hemserekê MEBYA-DER’î Mehmet Emîn Kiliç sersaxî semedê keyeyê Zehra Sebate waşt. Mehmet Emîn Kiliç, venga şaran û kesê ke têkoşînê demokrasî de kenê kerd ke semedê çareserîya meseleya kurde berpirsyarîyê xo bigîro. 

 

Serdayîş, badê duayan peynî bî.