MERKEZÊ XEBERAN - Rêxistina Heqê Merdiman ê Kurdistanî neql kerd ke zêdeyêrî 100 rojî yo tepişteya sîyasî ya kurde Zeyneb Celaliyan heqê xo yê pêvînayîşî yê keye û xizmetê doktorî ra bêpar ameya verdayîş. 

 

Rêxistina Heqê Merdiman ê Kurdistanî derheqê rewşa tepişteya sîyasî ya kurde Zeyneb Celaliyan de agahîyan pare kerd. Rêxistina Heqê Merdiman ê Kurdistanî eşkera kerd ke zêdeyêrî 100 rojî yo tepişteya siyasî ya kurde Zeyneb Celaliyan heqê xo yê pêvînayîşî yê bi keye û xizmetê doltorî ra bêpar ameya verdayîş.

 

Sewbîna rêxistine dîyar kerd ke semedê îşkenceyê giranî yê fîzîkî û psîkolojîkî, problemê weşîye Zeynep Celaliyan dir virazîyayê.

 

Zeyneb Celaliyan serra 1982ine de bajarê Mako ke bajarê Urmiye yê Rojhelatê Kurdistanî ra girêdaye yo de ameya dinya. Serra 2008ine de Kirmaşan de ameye destbendkerdiş û bi tometê "Hewldayîşê hemverê asayîşê nîştimanî û şerê hemverê Homayî" cezaya dardekerdişî ci rê ameye birnayîş. Dadgeha temyîzî badê cû cezaya aye açarna heta peynîya emrî.