AMED - Partîya DBPyî seba yewîya kurdan eşkerayîyêke nuşteyîn da û eşkerayîye de ame vatiş ke de ê sey partîya DBPyî pêvînayîşê ke vizêr Kurdistanê Başûrî de mîyanê qewetanê kurdan de pê ameyo, tewr muhîm û qedîrberz vînenê.

 

Partîya DBPyî seba yewîya kurdan eşkerayîyêke nuşteyîn da û serê muhîmîyê yewîya kurdan de vindertî.

 

Ganî temsîlkarê kurdî mîyanê têkilî de bibê

 

Eşkerayîye de wina ame vatiş: “Rojhîlatê Mîyanênî de na seserre de hemsengîyê qewetê xorînî de bedilyayişê tarîxî pê yenê. Prosesêk bi nê rengî pêrabesteyê Yewîyeya Netewî ya Kurdî, warê bîyayîş û têkoşînê heqanê kurdan de wayîrê cayêkê tarîxî yo. Şarê kurdî yê ke her demê tarîxî de raştî polîtîkayê înkarî ameyê, ewro warê awankerdişê ameyox û pawitişê destkewteyê xo de îmkananê tarîxî cuyenê. Averşîyayîşê ke ewro Rojhelatê Mîyanênî de pê yenê, mojnenê ke; wa şarê kurdî yewîyeya xo awan biko û qewetê xo bi hewayêk hempar gird biko.

 

Esasanê yewîyeya neteweyî ser o, pêrabesteyê yewîneya kurdan verba tehdîdanê ke netewî hedef gênê, lazimîyê tarîxî yo. Na çerçewa de ma sey partîya DBPyî pêvînayişî ke vizêrî Kurdistanê Başûrî de mîyanê qewetanê kurdan de pê ameyo, tewr muhîm û qedîrberz vînenê. Nê wareyî de hêvîya ma wina ya ke; Yewîyeya Netewî ya qewetê kurdî ser,  mabênê xo de lazimeyê weşî awan bikê û nê lazimîyan aver berê.

 

Tifaqê mabênê qewetê kurdî de, do hem seba ewro hem zî seba awankerdişê ameyoxê kurdan bibo gamêka bingeyîn. Ma sey DBPyî bi ruhê Yewîyeya Neteweyî vengdayişî û hewldayişê xo bidomnê.”