AMED- Şaredarîya Peyasî, Park 75î de “Kitabxaneyê Eseranê Cinîyan” akerd.

 

Şaredarîya Peyasî ya Amedî, Park 75î de “Kitabxaneyê Eseranê Cinîyan” akerd. Programê akerdişî de sîyasetmedar û temsîlkarê rêxistinanê sivîlan beşdar bîyî. Cinîyan sloganê “Jin, Jîyan, Azadî” berz kerd.

 

Hemşaredara Şaredarîya Peyasî Berîvan Gulşen Sincar dîyar kerd ke kitabxane seba bajarî vîr o û vat: “Ma seba ke cayêko keda cinîyan bivejîya meydan na xebate kerde. Ma vîrê xo gird û bihêz kenê.”

 

Hemşaredara Şaredarîya Amedî ya Şaristanê Girdî Serra Bucak va ke heqîqet do nê kitabxaneyî de hîna zêde bêro awankerdiş.

 

Parlementerê DEM Partî yê Amedî Adalet Kaya zî dîyar kerd ke Nagîhan Akarsel Silêmanîye de wexto ke xebatanê kitabxaneyê cinîyan kerdêne ameye qetilkerdiş û wina dewam kerd: “Wayîrvejîyayîşê mîrasêko aye ma rê verdayo, seba ma çîyo tewr muhîm o. Mesajê Rayberê PKKyî Abdullah Ocalanî yê pêvînayîşê peyênî cinîyan rê bî. Ma ganî vengê xo, vateyê xo bihêz bikê û nê zanayîşî reyde komelêka azadîwaz û seypêye awan bikê.”

 

Program bi girewtişê govende qedîya.