WAN - Cinîyê Wanî semedê paştdayîşî tewrê çalakîya nobete ya Pirsûsî ya hemverê hêrişê Rojawanî bîyî û wina vatî: “Ma nêwazenê tutê ma bimirê. Ganî şarê kurdî bibo yew. Ma nê çîyê ke yenê kerdiş qebûl nêkenê.”

 

Cinîyê wanijî ke tewrê çalakîya nobeta Pirsûsî bîyî, reaksîyon vera hêrişan mojnayî û çalakîya nobete ercnayî.

 

‘Ma do heta peynî têkoşîn bikerê’

 

Hemsereka Partîya Têduştî û Demokrasî (DEM Partî) ya Artemêtî Reyhan Kaplan da zanayîş ke wexto ke qerar dayê tewrê nobeta çalakîye bibê, kelecan bîyê û wexto ke ver bi sînorî şîyê înan rê hêriş ameyo kerdiş. Reyhan Kaplan wina dewam kerd: “Vernîya ma padayî. La ma xo ver da. Ma do hemverê hêrişan de xo ver bidê. Heqê înan çin o hêrişê ê Rojawanî bikerê. Çi karê înan uca de est o. Ma nêwazenê tutê ma uca de bimirê. Ma aştîye û demokrasî wazenê. Ma do heta peynî xo ver bidê.”

 

‘Wa tutê ma nêrê qetilkerdiş’

 

Reyhan Kaplan dîyar kerd ke her cayî de qalê têduştî yeno kerdiş û wina vat: “Ça de yo têduştî, ça de yo demokrasî, her cayî de zilm est o. Ne vanê cinî, ne vanê tutî, kal û pîrî, zilm ma rê kenê. Ma nê çî qebûl nêkenê. Ma nêwazenê tutê ma bêrê qetilkerdiş. Ganî ma pêro tewrê na çalakîya nobete bibê. Xoverdayîşêk pîl babeta vatişî ya. Ma do ser bikewê.”

 

‘Ma azadî semedê her kesî wazenê’

 

Hemsereka DEM Partî ya Tuşbayî Fatma Erbaga zî dîyar kerd ke Wan de bi desine kesî tewrê çalakîya Pirsûsî bîyê û vat: “Ma azadîye wazenê. Ma nêwazenê tutê ma bêrê qetilkerdiş. Nika Rojawan de qirkerdiş yeno ciwîyayîş. Wexto ke şîya sînor mî dî, zaf xemgîn bîya. Werrekna o sînor rawuştêne. Ma waşt ma şêrê sînor la destûr nêdayî. Vernîya ma padayî. Ma wazenê prosesê aştîye bêro destpêkerdiş. Nê pêvînayîşî hêvî danê ma. Ma hêrişê hemverê Rojawanî şermezar kenê. Heqê tu kesî çin o hêriş bikero. Ma nê çî qebûl nêkenê. Yê şer dayê destpêkerdiş wa wijdanê xo rê bipersê. Ma nê têkoşînî heta peynî dewam bikerê.”