MERKEZÊ XEBERAN- Bi hezaran kesî Kantonê Firatî de bi rayîrşîyayîşêk girseyî semedê hêrişê komê paramîlîter û dewleta tirkan ê Efrîn-Şehba û Vakur-Rojhelatê Sûrîye ser o şermezar bikerê, organîze kerdî.

 

Hemverê hêrişê dewleta tirkan û komê girêdayeyê aye yê Şehba, Minbic, Kobanê, Dêrik û xeylêk herêmê bînî yê Vakur û Rojhelatê Sûrîye ser o, roniştoxê Kantonê Firatî vejîyayî meydanan.

 

Bi hezaran kesî Meydanê Jin a Azadî de kom bîyî û heta Meydanê Şehîd Egîdî rayîr ra şîyî. Rayîrşîyayîş de şaxê dara zeytûne ke nîşaneyê Efrînî ya û alê fotografê Rayber Apo ameyî berzkerdiş.

 

Rayîrşîyayîş bi sloganê 'Bi xoverdayîşî şarê Rojawanî û Vakur- Rojhelatê Sûrîye, ma do zorê îşxalkerdişî berê’ dewam kerd.

 

Badê ke rayîrşîyayîş resa Meydanê Şehîd Egîd semedê yadkerdişê cangorîyan deqeyêke rêze ameye girewtiş.

 

Hemserekê Heyetê Jîngehî yê Kantonê Firatî Arif Balî  meydan de qisey kerd û dîyar kerd ke ê do heta peynî xo ver bidê û bi nê xoverdayîşî zî do zorê îşxalkerdişî berê.