
Bi hezaran kesî ver bi Kantonê Firatî rayîr ra şîyî

2024-12-05 15:02:56


	&nbsp;

	MERKEZÊ XEBERAN- Bi hezaran kesî Kantonê Firatî de bi rayîrşîyayîşêk girseyî semedê hêrişê komê paramîlîter û dewleta tirkan ê Efrîn-Şehba û Vakur-Rojhelatê Sûrîye ser o şermezar bikerê, organîze kerdî.

	&nbsp;

	Hemverê hêrişê dewleta tirkan û komê girêdayeyê aye yê Şehba, Minbic, Kobanê, Dêrik û xeylêk herêmê bînî yê Vakur û Rojhelatê Sûrîye ser o, roniştoxê Kantonê Firatî vejîyayî meydanan.

	&nbsp;

	Bi hezaran kesî Meydanê Jin a Azadî de kom bîyî û heta Meydanê Şehîd Egîdî rayîr ra şîyî. Rayîrşîyayîş de şaxê dara zeytûne ke nîşaneyê Efrînî ya û alê fotografê Rayber Apo ameyî berzkerdiş.

	&nbsp;

	Rayîrşîyayîş bi sloganê 'Bi xoverdayîşî şarê Rojawanî û Vakur- Rojhelatê Sûrîye, ma do zorê îşxalkerdişî berê’ dewam kerd.

	&nbsp;

	Badê ke rayîrşîyayîş resa Meydanê Şehîd Egîd semedê yadkerdişê cangorîyan deqeyêke rêze ameye girewtiş.

	&nbsp;

	Hemserekê Heyetê Jîngehî yê Kantonê Firatî Arif Balî &nbsp;meydan de qisey kerd û dîyar kerd ke ê do heta peynî xo ver bidê û bi nê xoverdayîşî zî do zorê îşxalkerdişî berê.

	&nbsp;

	&nbsp;