EFRÎN - Desteya Jin a Herêma Efrînê di bin dirûşma ”Sonda me em ê pergala Îmraliyê parçe bikin, bi Rêber Apo re azad bijîn” ji bo zelalkirina rewşa ewlekarî û tendirustiya Abdullah Ocalan semîner li dar xist. 

 

Desteya Jin a Herêma Efrînê ji bo azadiya  Rêberê PKK'ê Abdullah Ocalan di bin dirûşma “Sonda me em ê pergala Îmraliyê parçe bikin, bi Rêber Apo re azad bijîn” li navenda Şehîd Rûken a bajarê Efrînê semînerek li dar xist.

 

Semîner bi deqeyek rêzgirtin a ji bo berxwedêrên azadiyê dest pê kir. Semîner ji aliyê Rêveberiya Kongra star Roperî Haron hat dayîn.

 

Hevseroka Meclîsa Zagonsaz Hêvîn Reşîd diyar kir ku ew ê ji bo azadiya Abdullah Ocalan têkoşîna xwe bidomînin û wiha got:”Dewletên navnetewî dixwazin ku destgeftiyên gelê kurd tune bikin. Lê em wekî Gelê Kurd tu caran destûrê nadin vê yeke. "

 

Piştî nirxandinê sînevîzyoneke li ser rastiya Abdullah Ocalan hate pêşkêş kirin.

 

Di semînera ku ji aliyê Rêvebertiya Kongreya Star Hoperi Haron ve hat dayin de li ser têkoşîn û rastiya  Abdullah Ocalan guftogoh hat kirin  û Hoperî wiha  dest bi axaftina xwe kir:"Ger ku jiyaneke rast û azad hebe, wê were jiyandin. Ji ber ku me jiyana azad bi berxwedana xwe misoger kir. Rêber Apo bi fikir û felsefeya xwe hişt ku jin rastiya xwe nas bike û jiyaneke azad nas bike û rastiya jina azad were pênasekirin."

 

Semîner bi dirûşma ”Bê serok jiyan nabe” bi dawî bû.